Erakusketa iraunkorra

Teknologia berrienetan oinarritutako baliabide expografikoak erabili dira (zinema proiekzioak, hiru dimentsiotako birtualtasunak, antzerki birtuala, hologramak, argi eta soinu efektuak…), bisita hori Igartubeitiko interpretazio zentrora eta baserrira bertara datozenentzat esperientzia paregabea izan dadin. Erakusketa iraunkorrak bost gune handi ditu eta espazio horietan euskal baserrien mila urte baino gehiagoko historia aurkezten da.

Kattalin1920x1741

Igartubeiti baserriko familia eta auzotarren ahotsen bitartez, batez ere ibilbidearen zati handi batean gidari lanetan aritzen den Kattalin Kortabarriaren ahotsaren bitartez, jakiten dugu nola handitu eta aldatu ziren antzinako baserriak, nola bizi ziren baserritarrak eta nola egiten zuten lana, nolako harremanak zituzten beraien artean, zertan sinesten zuten, zer ekoizten zuten, zer jaten zuten, nola dibertitzen ziren eta zergatik sufritzen zuten.

Ondorengo hauek dira espazioak:

Ibilaldia historian zehar

Baserrien sorkuntzatik XIX. menderarteko bilakaeraren historia azaltzen duen narrazioa ikusten da, beira-aresa izugarri baten zehar, ispiluen gainetik eskaintzen den robotizatutako emanaldi baten eta elementu fisiko zein birtualen konbinazio bitartez.

Ondorengo bideoan ikusiko duzu ikusentzunezkoaren zati bat, non Erdi Aroko baserrien egoera eta hiribilduen sorrera azaltzen den. Kattalinek, berriz, gogokoen zuten fruituari buruz, sagarrari buruz hitzegiten du eta dolarean, Igartubeiti baserriko bihotzean, sagarra zanpatuz, sagardoa, edaririk gustokoena, egiten zutela esaten du.

Igartubeitin dagoen habe-luzeko dolarearen funtzionamendua  ezagutzera gonbidatzen gaitu. Horretarako Igartubeitiko Interpretazio zentrora hurbiltzea besterik ez duzu. Zatoz Igartubeitira.

Baserrian bizi

Gune honetan dauden lau bitrinetako objektu eta agiriek baserriekin erlazionatutako gai desberdinak jorratzen dituzte: oinordetza, sinesmenak, arropa eta lanabesak.

Bideo baten bitartez baserrietako jaki, ontziteri eta altzari desberdinen irudiak ikus ahal izango dituzu, baita lihoaren prozesua ezagutu ere.

Ezkontza batetako irudiak ikusteko aukera duzu, emaztegaiaren arreoa idi gurdian daramatela.

Beste bideo batean, Zumarragako Antio baselizako ezpatadantzako irudiak eskaintzen ditugu.

Eta gune honetan amaitzeko hileta baten irudiak daude ikusgai, hildakoa bizkarrean daramatela. 

Baserriarekin bueltaka

Nahiz eta askotan baserri denak berdinak iruditu, zazpi baserri tipologi desberdin bereizten ditugu sail honetan:

  • Harrizko atariak dituzten baserriak
  • Kostaldekoak
  • Habe-dolarea dutenak: Igartubeiti, esaterako.
  • Gela nagusia goian dutenak
  • Mendiko baserriak abelazkuntzara emanak
  • Fatxadan harri-hortzak dituztenak
  • Erdialdean mandioa dutenak

1630. Igartubeitiko biztanleak

Ondorengo hiru pertsonai hauek Igartubeiti baserriarekin duten harremanetaz eta beraien zeregin zein lanbideetaz hitzegiten digute.

Ana Igartua, Igartubeiti baserriko jabea

 

Domingo Arregi, nekazaria

 

Martintxo Beiti, haurra

Igartubeitiko interpretazio zentroan beste bost pertsonai ezagutzeko aukera izango duzu:

  • Domingo Irizar, oinordegabetua
  • Martin Basagasti, ikazkina
  • Maria Salete, errotariaren alarguna
  • Felipe Lazkano, noblea
  • Domingo Aranburu, apaiza .

Baserrian lan egin

Baserriko egur egituretatik gune honetara iritsiko zara. Bertan, Igartubeiti baserria barrutik ikusteko aukera izango duzu, famili osoa lanean ikusiz:

  • Arropa suteko hautsez, landare lurrintsuz eta ura irakiten jarriz garbitzen, lixiba egiteko ontzian, tiñean
  • Sukaldean, su baxuan janaria pertzan prestatzen; gaztain enborrak husten, erlauntzak egiteko
  • Dolareko pats-aska sagarrez betetzen
  • "Ganbara berrian" artaburuei hostoak kendu ondoren, mazo batez jotzen
  • Idiei uztarriak ipintzen

Edukiak euskaraz, gaztelaniaz, ingelesez eta frantsesez adieraziko dira. Bisitak 45 minutu inguru irauten du.